Bäherden etrabyndaky 4-nji orta mekdebiň sport zalynda woleýbol ýaryşy geçirildi. Sport ýaryşy etrap bilim bölümi hem-de ylym we bilim işgärleriniň kärdeşler arkalaşygynyň etrap Geňeşi tarapyndan guraldy. Ýaryşa etrapdaky orta mekdepleriň mugallymlary gatnaşdylar.


Şanly Garaşsyzlygymyzyň 31 ýyllyk toýuna bagyşlanan ýaryşda bilim işgärleri sport ussatlygyny görkezdi. Ýaryş çekeleşikli we gyzgalaňly ýagdaýda geçdi. Woleýbol ýaryşynyň netijesinde etrapdaky 4-nji orta mekdebiň topary birinji, 2-nji orta mekdebiň topary ikinji, 28-nji orta mekdebiň topary üçünji orna mynasyp boldy. Onuň ýeňijilerine ylym we bilim işgärleriniň kärdeşler arkalaşygynyň etrap Geňeşiniň sowgatlary gowşuryldy.