Dünýädäki futbol toplarynyň takmynan 70 göterimi Pakistanda el zähmeti arkaly ýasalýar.

Penjabyň Sialkot şäherindäki kärhana, 20-nji noýabrda Katarda başlanan dünýä çempionatynda ulanylýan «Adidas» haryt nyşanly toplaryny öndürdi. Ýurduň öňdebaryjy senagat zolaklaryndan biri bolan şäherde ýerleşýän zawodda takmynan 60 müň adam işleýär. Bu şäher ilatynyň takmynan 8 göterimine deňdir.

1 müňden gowrak zawodyň ýerleşýän şäherindäki ussahanalarda öndürilen toplaryň 80 göteriminde el zähmetinden peýdalanylýar. El zähmeti arkaly ýasalan toplar has çydamly we maşyn bilen öndürýänlere garanyňda has ýokary durnuklylyga eýedir.

«Anwar Khawaja Industries» atly kärhanada tikin işleri bilen meşgullanýan işçiler, her top üçin 160 pakistan rupisini alýarlar. Günde üç top tikýän işçi aýda 9600 pakistan rupisini gazanýar. Kärhanada toplary tikmek, adatça zenan işçiler tarapyndan amala aşyrylýar.