Hytaýyň awiasiýa enjamlaryny üpjün ediş kompaniýasy tarapyndan berlen beýanatda «Airbus» kompaniýasy bilen 132 sany «A320» we 8 sany «A350» görnüşli ýolagçy uçaryny satyn almak barada ylalaşyk gazanylandygy mälim edildi.

Beýanatda gol çekilen şertnamanyň umumy bahasynyň 17 milliard dollar boljakdygy mälim edildi.

Belläp geçsek, Hytaýyň uly üç döwlet awiakompaniýasy bolan «AirChina», «China Southern» we «China Eastern» iýul aýynda «Airbus»-dan jemi 292 uçar satyn almagy wada berdi. Berlen şertnama bu çäkdäki käbir sargytlary hem öz içine alýar.