Katarda geljek aý dünýä çempionaty geçiriler. Şol sebäpli hem Kataryň howa ýollary awiakompaniýasy 10 müňden gowrak goşmaça işgäri işe aljakdygyny mälim etdi.  Şunlykda awiakompaniýa, umumy işçi güýjüni 45 müňden 55 müňe çenli ýokarlandyrar.

Häzirki wagtda Katar Dünýä çempionatyna örän guramaçylykly taýýarlyk görýär. Ýurda gelýän myhmanlara ýokary derejede hyzmat bermek maksady bilen Kataryň howa ýollary awiakompaniýasy hem işgär sanyny artdyrýar. Täze alynjak işgärleriň näçeräk wagt işlejekligi entek doly belli däl.

Belläp geçsek, Kataryň awiakompaniýasy dünýäniň 150-den gowrak ýurduna uçuşlary amala aşyrýar.