Katarda geçirilýän 2022-nji ýyldaky dünýä çempionatynyň çäklerinde dünýäde ilkinji gezek düýeleriň üstünde gandbol oýny oýnaldy. Tomaşaçylar paýtagt Dohanyň Şeýhaniýe meýdançasyndaky düýeleriň üstündäki gandbol oýnuna uly gyzyklanma bilen tomaşa etdiler.

Düýeleriň üstündäki  gandbol oýny 15 minutlyk iki oýundan ybarat bolup, jemi 30 minut dowam etdi. Ýaryşda Afrikanyň we Aziýanyň milli ýygyndy toparlary Kataryň milli ýygyndysy bilen bäsleşdi.

Resmiler 2022-nji ýyldaky dünýä çempionatynyň çäklerinde ýurduň medeni mirasyny we sport görnüşini tanatmak üçin şeýle ýaryşlaryň geçirilýändigini mälim edýärler.