«The Citizen» gazetiniň habaryna görä, Karanga-Baranko sebitinde ýüze çykan ýangyny söndürmek üçin sebite iberilen ýangyn söndüriji uçarlar güýçli tüsse sebäpli ýangyny söndürip bilmediler. Sebite jogapkär ýerli wekil ýangyn söndüriji uçarlaryň sebite iki gezek goýberilendigini, emma ýangynyň bolup duran ýerine erbet tüsse sebäpli baryp bilmändigini mälim etdi.

Häzirki wagtda Kilimanjaro dagynyň Karanga-Baranko sebitindäki ýangynyny söndürmek üçin ýerli ýangyn söndüriji uçarlar, polisiýalar we esgerler bilelikde hereket edýärler. Ýangynyň näme sebäpden ýüze çykandygy entek belli däl. Ýeke-täk berilen anyk habar bolsa, adam ýitgisiniň ýoklugy.