Mälim bolşy ýaly meşhur ýyldyz oýunçy Kristiano Ronaldo Saud Arabystanynyň «Al Nassr» toparyna geçipdi. Aradan kän wagt geçmänkä Saud Arabystany Lionel Messä transfer teklibini berdi.

Teklip - «Al Nassr» toparynyň garşydaşy Saud Arabystanynyň «Al Hilal» topary tarapyndan berildi. Eger Messi bu teklibi kabul etse «Al Hilal» topary 35 ýaşly meşhur oýunça ýylda 300 million dollar tölär.

Messiniň «Al Hilal» toparyndan gelen teklibe nähili jogap berjekdigi dünýä ýüzünde uly gyzyklanma döretdi. Meşhur oýunçy teklip edilýän 300 million dollar pul serişdesinden ýüz öwürmez diýlip çaklanylýar.