2024-nji ýylyň 14-nji maýyndan 19-njy maýyna çenli Russiýa Federasiýasynyň Kazan şäherinde “Russiýa - Yslam dünýäsi: KazanForum 2024” geçirilýän halkara ykdysady forumyna ýurdumyzyň gatnaşmagy meýilleşdirilýär. Bu barada Türkmenistanyň resmi metbugaty habar berýär.

Bu çäre, Russiýanyň sebitleri bilen Yslam Hyzmatdaşlyk Guramasynyň döwletleriniň arasynda ykdysady, ylmy, tehniki, sosial we medeni hyzmatdaşlygy pugtalandyrmaga gönükdirilendir. Forumda “Russiýa - Yslam dünýäsi” görnüşindäki toparyň ýygnagy, Ykdysady, Ylmy we Tehnologiki Hyzmatdaşlyk Russiýa Halal sergisi, Halkara ýarmarka Kazan Halal bazary, Söwda-senagat palatalary forumy we başga çäreler gurnalar.

Türkmen delegasiýasynyň forumyň çäklerinde milli pawilion gurmagy, gepleşiklere gatnaşmagy we şertnamalary baglaşmagy meýilleşdirilýär.

Jennettäç ARÇAWELIÝEWA,
D.Azady adyndaky Türkmen milli Dünýä dilleri
institutynyň iňlis dili we edebiýaty fakultetiniň 
5-nji ýyl talyby.