Golaýda Sarahs etrap sport we ýaşlar syýasaty bölümi bilen Türkmenistanyň Kärdeşler arkalaşyklarynyň etrap birleşmesiniň bilelikde guramagynda «Döwletabatgazçykaryş» müdirliginde sportuň woleýbol görnüşi boýunça ýaryş geçirildi. «Sagdyn nesil — il guwanjy» ady bilen geçen ýaryşa müdirligiň ýygyndy toparlarynyň 6-sy gatnaşdy.

Gyzgalaňly geçen ýaryşda «Türkmengaz» topary 1-nji orna, «Döwletabatgazçykaryş» müdirliginiň «Tebigy baýlyk» topary bolsa 2-nji orna mynasyp boldy. Ýeňijilere TKA-nyň etrap birleşmesi tarapyndan ýadygärlik sowgatlar dabaraly ýagdaýda gowşuryldy.