Ahal welaýatynyň Sarahs etrabynyň merkezinde ýerleşýän sport mekdepde woleýbol ýaryşy geçirildi.

Sarahs etrabynyň bedenterbiýe we sport bölüminiň hem-de jemgyýetçilik guramalarynyň bilelikde guramagynda geçirilen ýaryşa edara-kärhanalardan, şäherçedir obalardan we sport mekdepden gelen toparlaryň jemi altysy gatnaşdy. Bu alty toparyň arasynda sportyň woleýbol görnüşi boýunça gyzykly duşuşyklar geçirildi.

Ýaryşyň aýgytlaýjy oýny Sarahs etrabyň sport mekdebinden we Gaňňaly şäherçesinden gelen woleýbol toparlarynyň arasynda boldy. Gyzykly we çekeleşikli geçen duşuşykda Gaňňaly şäherçesiniň topary garşydaşyndan 3:1 hasabynda üstün çykdy. Ýeňijilere bu sport ýaryşyny gurnaýjylar tarapyndan gymmat bahaly sowgatlar we hormat hatlary gowşuryldy.