Tejen şäheriniň sport mekdebinde orta mekdepleriň okuwçy oglanlarynyň arasynda basketbol boýunça welaýatyň birinjiligini almak ugrunda ýaryş geçirildi. Ýaryşy «Türkmenistan» Ýaşlar bedenterbiýe-sport guramasynyň welaýat bölümi, welaýat sport we ýaşlar syýasaty Baş müdirligi, welaýat Baş bilim müdirligi, Türkmenistanyň Kärdeşler arkalaşyklarynyň welaýat birleşmesi hem-de Türkmenistanyň Magtymguly adyndaky Ýaşlar guramasynyň welaýat Geňeşi bilelikde gurady.


Çekeleşikli duşuşyklaryň netijesinde Tejen şäheriniň topary birinji, Tejen etrabynyň topary ikinji, Babadaýhan etrabynyň topary bolsa, baýrakly üçünji orna mynasyp boldy. Ýeňijilere guramaçylar tarapyndan hormat hatlary hem-de ýadygärlik sowgatlary gowşuryldy.