«Azerbaýjan Hazar deňiz gämiçiligi» ýapyk görnüşli paýdarlar jemgyýeti «Ro-Ro» derejeli «Kompozitor Fikret Amirow» gämisini düýpli abatlady. Gäminiň suwasty we ýerüsti bölekleri arassalandy we boýaldy, tutawaçlarda, balast we ýük bölümlerinde we beýleki ýerlerde poslan metal listleri çalşyldy. Esasy we kömekçi hereketlendirijiler, sowadyş ulgamy we beýleki ulgamlar hem düýpli abatlandy. Mundan başga-da, ekipaž üçin ýaşaýyş we hyzmat otaglary täzelendi.

Gäminiň ilkinji ugrunyň Türkmenbaşy Halkara deňiz porty bolmagyna garaşylýar.