Golaýda, Germaniýanyň Berlin şäherinde karate boýunça 17-nji gezek «Banzai Cup» halkara ýaryşy geçirildi. Ýaryşa 31 döwletden 1200-den gowrak türgen gatnaşdy. Halkara ýaryşa türkmenistanly türgenler hem gatnaşyp, 13 sany medala eýe bolmagy başardylar. Olaryň dördüsi altyn, ikisi kümüş, ýedisi bolsa bürünç medallar bolup durýar.

Altyn medala, Öwezmyrat Sapardurdyýew, Allanur Ýalkabow, Resul Atajanow we Dawut Nazmyradow, kümüş medalyň ikisine Dawut Nazmyradow, bürünç medala Perhat Atamyradow, Baýry Baýryýew, Erkin Taganow, Rüstem Puhanow, Süleýman Garlyýew bilen Muhammetnur Annamuhammedow dagylar mynasyp boldy.

Ýene bir bürünç medaly Türkmenistanyň erkekler ýygyndysy «kumite» görnüşi boýunça eýeledi.