Ýakynda, geçirilen Aziýanyň Kubogy 2022-niň toparçalaýyn bäsleşiginiň ikinji tapgyrynda Türkmenistanyň ýaşlar ýygyndysy Eýranyň ýaşlar ýygyndysy bilen duşuşyp, 2:1 hasabynda ýeňiş gazandy. Şeýlelikde, iki tapgyrdan soň 6 utuk toplan Özbegistanyň ýygyndysy «A» toparçada birinji, 3 utuk toplan Türkmenistanyň ýaşlar ýygyndysy bolsa ikinji orny eýeleýär. Bir utukdan toplan Eýranyň hem-de Kataryň ýygyndy toparlary degişlilikde üçünji, dördünji orunlarda ornaşdylar.

Türkmenistanyň ýaşlar ýygyndysy üçünji tapgyrda Kataryň ýygyndy topary bilen duşuşar. Bu duşuşyk 7-nji iýunda geçiriler. Şeýle hem Aziýa Kubogynyň çärýekfinalynyň duşuşyklary 11-12-nji, ýarym final 15-nji, üçünji orun ugrundaky duşuşyk 18-nji, final oýny bolsa 19-njy iýunda geçiriler.

Belläp geçsek, ýaşlar ýygyndylarynyň (U23) gatnaşmagyndaky Aziýa Kubogynyň final tapgyry Özbegistanda dowam edýär.